Nga kujtimet bardhë e zi te rrëfimet e reja filmike, “Ditët e Filmit Shqiptar” sjellin në Poloni një përzgjedhje unike të kinemasë sonë kombëtare. Një udhëtim përmes historisë, emocioneve dhe tregimeve që kanë formësuar imagjinatën e brezave, me pjesëmarrjen e dy emrave të njohur të skenës filmike, Kujtim Çashku dhe Filip Bajon. Nga 8 deri më 30 nëntor, në Poznań dhe Łódź, shikuesit do të kenë mundësi të përjetojnë filma që flasin me gjuhën e shpirtit shqiptar të titruar në polonisht dhe të ndarë me dashuri për publikun. Një ftesë për t’u zhytur në historitë që ndriçojnë ekranin e kujtesës sonë.