Ledia Xhoga është nominuar për “Booker Prize”, duke u bërë shkrimtarja e dytë shqiptare pas Ismail Kadaresë me këtë arritje prestigjioze. Xhoga sjell romanin e saj të parë “Misinterpretation”, një histori delikate dhe provokuese rreth një protagonisteje pa emër që përkthen jetët e të tjerëve, ndërsa përballet me të shkuarën dhe marrëdhëniet e veta. Nëpërmjet kufijve mes jetës personale dhe profesionale, libri eksploron mungesën emocionale dhe afërsinë fizike, përmes një proze mendimtare. Romani i publikuar nga Tin House më 3 shtator 2024 është vlerësuar për ritmin e tij të qetë, bukurinë gjuhësore dhe mënyrën sesi e trajton përceptimin dhe realitetin.